अर्घाखाँची न्यूज पुष ०६, २०७१

अर्घाखाँची न्यूज पुष ०६, २०७१

Read more »

अर्घाखाँचीको अड्गुरी साक्षर गा.वि.स. घोषित

माधव बेल्बासे/मंसिर १५, अर्घाखाँची

आज एक कार्यक्रमका बिच अर्घाखाँची जिल्लाको अड्गुरी गाबिसलाई साक्षर गाबिस घोषणा गरिएको छ। 

कार्यक्रम गाउ शिक्षा समिति अड्गुरीका अध्यक्ष तथा गाबिस सचिब नारायण भटराइको सभापतित्व र सहायक जिल्ला शिक्षा अधिकारी नरेन्द्र बेल्बासेको प्रमुख आतिथ्यतामा सम्पन्न भएको हो। कार्यक्रममा बोल्दै सहायक जिल्ला शिक्षा अधिकारी नरेन्द्र बेल्बासेले घोषणा गर्नु भन्दा पनि यसको कार्यान्वयन पक्षमा बिषेश ध्यान दिनु पर्नेमा जोड दिएका थिए।

कार्यक्रममा गाउ बिकास समितिको तर्फ बाट प्रतिबेदन पेश गर्दैगाउ बिकास समितिका सदस्य सचिव तथा शिव मदन उमाबि का प्राचार्य राजेन्द्र पौडलले गाबिस भरका १५ देखि ६० वर्ष उमेरका जम्मा ३६८७ मध्ये ३६१२ साक्षर बनेको बाकि ७५ जना असक्त र आखाँ नदेख्ने रहेको बताउनु भएको थियो। कार्यक्रममा बिद्यालय निरिक्षक माधव बञ्जाडे स्रोत ब्यात्ति जेदु प्रसाद खनाल को बिषेश आतिथ्यता रहेको थियो । 

कार्यक्रममा जनसेवा माबिका प्र.अ. प्रेमनारायण बेल्बासे बिद्या बिनोद माबिका प्र.अ. लक्ष्मण खनाल भगवति नि.माबिका प्र.अ. शालिकराम बेल्बासे उपस्वास्ग्य चौकि राज पन्थि कमला उमाबिका प्राचार्य गोबिन्द अड्गुरी का अनमि राधा पन्थि अहेव शुशिल खनाल लगायतको आतिथ्यता रहेको थियो । कार्यक्रमका अन्य वत्ताहरुमा गुनाखर अधिकारी भवानि अधिकारी शेषराज पौडेल लगायत रहनु भएको थियो। कार्यक्रममा शिक्षक,बिद्याथी राजनितिक दलका प्रतिनिधि ,वडा नागरिक मंचका प्रतिनिधि , बुद्यिजिबिहरुको उल्लेख्य उपस्थिति रहेको थियो ।

गाउ शिक्षा समिति अड्गुरीको आयोजनामा भएको कार्यक्रमको संचालन शिक्षक हरी पाण्डेले गर्नु भएको थियो।

Read more »

अर्घाखााचीको ठाडामा विभत्स हत्या

अर्घाखााचीको ठाडामा घरबाट हराएको ९ दिन पछी विभत्स हत्या गरी पुरेको अबस्थामा एक बालकको सव फेला परेको छ । अर्घाखााचीको ठाडा ५ रजिया गौरा माबिमा कक्षा सातमा अध्यनरत १३ बर्षिय राजन भुसालको सब घर नजिकै म्यालीखाल खोलामा हत्या गरी ढुङ्गैढुङ्गाले पुरेर छाडेको अवस्थामा आज फेला परेको हो । घरबाट हराएको लामो समय बितीसक्दा पनि घरमा नर्फके पछी जङगलमा गााउले र बिधाथीको सक्रियतामा खोजीगर्दै जादाा सव फेला परको हो । 

मृतकले लगाउने चप्पल भेटीएको आधारमा सव फेला परेको र घटना बारे थप अनुसन्धान भैरहेको ईलाका प्रहरी कार्यालय ठाडाका प्रहरी निरिक्षक किसन प्रसाद खनालले बताउनु भयो ।टाउकोमा ठोस वस्तुले हानी हत्या गरी नजिकै खोलामा पुरेको अवस्थामा भेटीएका कारण घटना रहस्यमय बनेको हो ।
(पत्रकार अरजसिंह बेल्वासेको सहयोगमा यो समाचार तयार पारिएको हो ।) click her for video

Read more »

नेपाल राष्टिय उच्च माबिको ५८ औ बार्षिकोत्सब कार्यक्रम सम्पन्न

मँसिर१ अर्घाखाँची

श्री नेपाल राष्टिय उच्च माध्यमिक बिद्यालय पणेना अर्घाखाँचीले आफ्नो बिद्यालयको ५८ औ बार्षिकोत्सब कार्यक्रम औपचारीक रुपमा आज सम्पन्न गरेको छ । कार्तिक २८ गते देखि सञ्चालन गरेको कार्यक्रममा school supervisor of DEO Narayan Pokharel ,RP Yadab Ghimire , principal of Harihar HSS Thakur Prasad Gautam ,पत्रकार , बिभिन्न राजनितिक दलका प्रतिनिधि सम्पुर्ण पुर्ब तथा बर्तमान शिक्षकहरु , पुर्ब तथा बर्तमान बिद्यार्थीहरु , पुर्ब तथा बर्तमान ब्यबस्थापन समितिका पदाधिकारी हरु, अभिभाबकहरु शुभ चिन्तक सबैको उपस्थितिमा कार्यक्रम समापन गरिएकोछ ।

बार्षिकोत्सब कार्यक्रमहरुमा २०७१ साल कार्तिक २८ गते देखि श्रोतकेन्द्र स्तरीय भलिबल प्रतियोगिता , १०० मि. दौड , कुर्चिदौड , लोकगित प्रतियोगिता , श्रोतकेन्द्र स्तरीय मा. बि. तहको हाजिरीजबाफ प्रतियोगिता , Speech competition in English , घैटोफोर कार्यक्रम , पुर्ब शिक्षकहरु लाई बिदाई तथा सम्मानका साथै हाल सम्म SLC परिक्षामा सर्बोत्कृष्ट हुने पुर्ब बिद्यार्थीहरु लाई सम्मान र पुर्ब ब्यबस्थापन समितिका पदाधिकारी हरुलाई सम्मान , कार्यक्रममा बिजयी टिम तथा बिद्यार्थीहरु लाई पुरस्कार बितरण गर्दै बार्षिक कार्यक्रम प्रस्तुत गरी कार्यक्रमको समापन गरिएकोछ ।

Read more »

सामुदायिक सेवा केन्द्रले बैंक स्थापना गर्ने

हरिप्रसाद नेपाली/कार्तिक २७, अर्घाखाँची

विद्यार्थीहरुमार्फत समाजमा बिकृती विसंगतीको अन्त्य गर्ने प्रयास स्वरुप सामुदायिक सेवा केन्द्र अर्घाखाँचीले सामुदायिक शैक्षिक सामग्री बैंकको स्थापना गर्ने भएको छ ।

फाईल फोटो

जनता र प्रहरी विचको सम्बन्धलार्य थप सुमधुर बनाउदै कुशल जनशक्ति उत्पादन गर्नका लागि बैंक स्थापना गर्न लागिएकको केन्द्रले जानकारी दिएको छ ।

केन्द्रले आज सन्धिखर्कमा पत्रकार सम्मेलनको आयोजना गरी उक्त बैंकको विषयमा जानकारी गराएको हो । केन्द्रका अध्यक्ष राम बहादुर चौहानका अनुसार सहयोगी दाताहरुबाट विद्यार्थीका लागि आवश्यक हुने शैक्षिक सामग्रीहरु संकलन गरी जिल्लाभरका गरीव तथा जेहेन्दार विद्यार्थीहरुलाई सामग्री वितरण गर्ने योजना बनाइएको छ ।

साथै केन्द्रले रु १० हजार भन्दा बढीका सामग्रीहरु सहयोग गर्ने दातालाई विशेष सम्मान गर्ने निर्णय समेत गरेको छ । “ सकेसम्म दाताकै हातबाट सामग्रीहरु विद्यार्थीहरुलाई हस्तान्तरण गर्ने योजना छ ।” अध्यक्ष चौहानले भने “ दाताहरुलाई प्रशंसापत्र सहित विशेष सम्मान समेत गरिने छ ।”

सामुदायिक विद्यालयको शैक्षिक गुणस्तर वृद्धीका लागि शुरु गरिएको बैंकले निजी विद्यालयका विद्यार्थीहरुलाई कुनैपनि खालको सहयोग प्रदान गर्नेछैन ।

Read more »

प्रतिष्ठित सुपा देउराली मन्दिर

Read more »

तरुणदल सन्धिखर्कमा नँया समिति

प्रेमनारायण आचार्य


अर्घाखाँची २० कात्तिक । नेपाल तरुण दल सन्धिखर्क गाँउ कार्य समितिको अबिधेसन बिपि स्मृति भबन सन्धिखर्कमा सम्पन्न भएको छ ।

कार्यक्रममा मन्तय राख्दै नेपालि काग्रेसका जिल्ला सभापति कमलप्रसाद भुसालले देशमा कृषि र पर्यटनको माध्यमबाट आर्थिक क्रान्ती गरेर देसलाइ आर्थिक सम्पन्नतामा लैजान  सबै एक जुट भएर लाग्नु पर्ने बताउनु भयो ।  उहाले युबाहरुको बढ्दो बिदेस पलायन नरोके सम्म देसमा आर्थिक सम्पन्नता नहुने बताउनु भयो ।

कार्यक्रममा नेपालिका काग्रेसकि जिल्ला सहसचिब निर्मला क्षेत्री, जिल्ला सदस्य धर्मराज भुसाल, कृष्ण प्रसाद खनाल, नरेन्द्र श्रेष्ठ,रामबहादुर परियार, तरुण दलका जिल्ला अध्यक्ष पिताम्बर खनाल, तरुण दलका अहमद हुसेन, क्षेत्रयि सचिब हेमन्त बेल्बासे, नेबिसंघका जिल्ला अध्यक्ष युबराज पाण्डे, पत्रकार प्रेम आचार्य, मुस्लीम संघका जम्सेर मिया लगायतले मन्तब्य राखेका थिए ।

भेलाले माधब श्रेष्ठको अध्यक्षतामा तरुण दल सन्धिखर्क गाँउ कार्य समितिको समेत गठन गरेको छ । जसको उपाध्यक्षमा खान हकिम,सचिब धनबहादुर गिरी, सहसचिब बिक्रम भटराइ,र कोषाध्यक्षमा निरा खनाल रहेका छन । जसको सदस्यमा भेसबहादुर सोमै,महमदिन मिया, बिनय नेपालि,किशोर पन्थी, दिपक श्रेष्ठ, बालकृष्ण मुखीया, र लक्ष्मण खनाल रहेका छन ।

भेलाले माधब श्रेष्ठ, सुदर्शन श्रेष्ठ, मदन भटराइ, बिनय नेपाली र निरा खनाललाइ क्षेत्रिय प्रतिनिधि पठाउने पनि निर्णय गरेको छ ।  कार्यक्रम माधब श्रेष्ठको अध्यक्षतामा सम्पन्न भएको हो ।

Read more »

testing

Read more »

अर्घाखाँचीको अर्घामा गाडी दुर्घटना, दुई जनाको ज्यान गयो

हरिप्रसाद भुसाल/कार्तिक २५, अर्घाखाँची

सन्धिखर्क नगरपालिका वडा नं. १२ अर्घामा भएको जीप दुर्घटनामा दुई जनाको ज्यान गएको छ ।

लु १ ज १४५३ नम्बरको गाडी अर्घा घर्तिखोरको सडकबाट करीव ५०० तल भिरमा खस्दा गाडी चालक कमल बन्जाडे र एक वर्षिय बालक कपिल खड्काको ज्यान गएको छ । मृतक बच्चाकी आमा स्थानीय जमुना खड्का गम्भिर घाइते भएको छ । घाईतेलाई उपचारको लागि जिल्ला अस्पतालमा ल्याउदै गरिएको जनाइएको छ ।

सन्धिखर्कबाट अर्घाको हिले जाँदै गरेको जीप करिव साढे ६ बजेतिर दुर्घटनामा परेको हो । दुर्घटनाको कारण अहिलेसम्म खुल्न सकेको छैन ।

Read more »

अर्घाखाँचीमा भएके जीप दुर्घटनामा तीन जना घाईते

हरिप्रसाद नेपाली / कार्तिक २ अर्घाखाँची

अर्घाखाँची जिल्लाको सन्धिखर्क नगरपालिका अन्तरगत पर्ने किमडाँडा भलायडाँडामा आज भएको सवारी दुर्घटनामा तीन जना घाईते भएका छन् ।

धारापानीबाट सन्धिखर्क आउदै गर्दा लु १ ज १७४७ नम्बरको यात्रुबाहक जीप ओरालो बाटोमा ब्रेक फेल दुर्घटना भएको थियो । सन्धिखर्क झर्दै गर्दा व्रेक फेल भएपछि ड्राईभरले गाडीलाई बाटोको कुनापट्टी ठोक्काएका थिए । घाईतेहरुलाई आज दिउसो नै जिल्ला अस्पतालले बुटवल रिफर गरेको हो ।

घाईतेहरुमा धारापानी ठूलाखर्कका ठाकूर सौराग, धारापानी सिख्रका चोप बहादुर नेपाली र पार्वती चुँदाली रहेका छन् ।

घाईते मध्ये धारापानीका चोप बहादुर नेपालीको अवस्था गम्भिर रहेको जनाइएको छ । घाईते नेपालीलाई बुटवल अञ्चल अस्पतालले दिउसो नै काठमाण्डौ रिफर गरेको थियो । उनले अहिले काठमाण्डौमा उपचार भैरहेको जनाइएको छ ।

Read more »

सन्धिखर्क नगरपालिका स्तरीय खानेपानी, सरसफाई तथा स्वच्छता समन्वय समिति गठन

हरिप्रसाद भुसाल
सन्धिखर्क, ३१ असोज

सरकारले नयाँ नगरपालिका घोषणा गरेको सन्धिखर्कमा नगरपालिका स्तरीय खानेपानी, सरसफाई तथा स्वच्छता समन्वय समिति गठन गरिएको छ । सन्धिखर्क नगरपालिकाको आयोजनामा हिजो भएको नगरस्तरीय भेलाले समिति गठन गरेको हो । ३७ सदस्यीय समितिको अध्यक्षमा नगरपालिकाका कार्यकारी अधिकृत कृष्णप्रसाद सापकोटा  सदस्य सचिवमा जिल्ला स्वास्थ्य कार्यालयका जनस्वास्थ्य अधिकृत लिलाराम गौतम रहेका छन् ।

सदस्यहरुमा नगरपालिकाका सबै वडाबाट प्रतिनिधित्व हुने गरी सामुदायिक संघसंस्था रहेका छन् । सहकारी, विद्यालय व्यवस्थापन समिति, प्रधानाध्यापक, प्राचार्य, क्याम्पस प्रमुख, युवा सञ्जाल, बाल सञ्जाल तथा महिला सञ्जाल लगायतकाको प्रतिनिधित्व समितिमा रहेको छ ।
समितिले सन्धिखर्कलाई सरकारले पछिल्लो पटक घोषणा गरेका ७२ नगरपालिका मध्ये पहिलो खुल्ला दिसामुक्त नगरपालिका बन्ने तयारीका साथ काम गर्ने नव गठित समितिका अध्यक्ष कृष्णप्रसाद सापकोटाले जानकारी दिएका छन् ।

सरसफाई अभियानमा सहजीकरण गरिरहेका ग्लोबल स्यानिटेशन फण्ड÷यु.एन. ह्याबिट्याटका साझेदार सँस्था लुम्बिनी सामाजिक विकास केन्द्र, इकार्डस÷प्राग तथा नेष्ट सिसेकको प्राबिधिक सहजीकरणमा गठन गरिएको समितिले जिल्ला स्तरीय खानेपानी, सरसफाई तथा स्वच्छता समन्वय समितिले अनुमति दिएको एक हप्ताभित्र नगरपालिकामा घोषणा सभा आयोजना गर्ने तयारीका साथ लागिपरेको सापकोटाको भनई छ ।

Read more »

देउराली जिप व्यवसायी समितिको अध्यक्षमा योगेन्द्र खड्का विजयी, पदाधिकारी सहित सदस्यहरुमा समेत बाम समूहको ब्रचश्व (मत परिणाम सहित)

हरिप्रसाद नेपाली/भदौ ३० अर्घाखाँची

रातो घेरामा अध्यक्ष योगेन्द्र खड्का एवं
हरियो घेरामा वरिष्ठ उपाध्यक्ष शिवलाल अधिकारी

सन्धिखर्कमा जारी देउराली यातायात व्यवसायी महासंघको सातौं अधिबेशनमा नयाँ नेतृत्व चयन सहित हिजोबाट सम्पन्न भएको छ । नयाँ नेतृत्व चयनका लागि हिजो भएको मतदानको राती अवेर सम्पन्न मत परिणाम अनुसार बाम प्यानलका योगेन्द्र खड्का, बाम प्यानलकै महाचिव पदका उम्मेदवार प्रेम बहादुर पाण्डे सहित बाम समूहको बाहुल्यता रहेको नयाँ कार्य समिति निर्वाचित भएको छ ।

गत शनिवरबाट शुरु भएको अधिबेशनमा हिजो भएको मतगणना अनुसार अध्यक्षमा निर्वाचित खड्काले ५९ मत प्राप्त गरेका छन् भने उनका प्रतिद्वन्दी युवराज खत्रीले ५१ मत प्राप्त गरेका छन् । त्यसैगरी बरिष्ठ उपाध्यक्षमा बाम प्यानलका शिब अधिकारी ७४ मतका साथ विजयी बनेका छन् भने उनका प्रतिद्वन्दी अशोक श्रेष्ठले ३१ मत प्राप्त गरेका छन् । त्यसैगरी उपाध्यक्षमा क्रमश कृष्ण कुमार श्रेष्ठ ७० मतका साथ र खगेश्वर बन्जाडे ५६ मतका साथ बिजयी बनेका छन् भने विश्वराज भण्डारी २९ मतका साथ पराजित भएका छन् ।

त्यस्तै महासचिवमा पनि बाम प्यानलले नै विजय हाँसिल गरेको छ । जसमा प्रेम पाण्डे ५१ मतका साथ विजयी बनेका छन् । भने उनका प्रतिद्वन्दीहरु विष्णु बस्नेत ३४ र कृष्ण प्रसाद श्रेष्ठ १९ मतका साथ पराजित भएका छन् । त्यसैगरी सचिवमा बाम प्यानलकै विष्णु प्रसाद पन्थी ७१ मतका साथ र कोषाध्यषमा ६८ मतका साथ बाम प्यानलकै गोविन्द बन्जाडे निर्वचित भएका छन् ।

त्यसैगरी सदस्यहरुमा शिव बहादुर खत्री ७३ मत, नारायण गैरे ६७ मत, मान बहादुर बुढा मगर ६५ मत, दधिराम आचार्य ६५ मत, प्रकाश पि.सी. ६४ मत, रेशम प्रसाद भुसाल ६२ मत, बामदेब गैरे ५८ मत, कृष्ण प्रसाद बन्जाडे ५६ मत, केयर सिंह खनाल ५५ मत, भुवानन्द बन्जाडे ५४ मत, बेदराज घिमिरे ५३ मत, प्रकाश भाट ४५ र डम्वर श्रेष्ठ ४९ मतका साथ विजयी बनेका छन् ।

सदस्यमा निर्वाचित प्रकाश पि.सी., केयर सिंह खनाल र डम्बर श्रेष्ठमात्र प्रजातान्त्रिक प्यानलबाट निर्वाचित भएका हुन् ।

Read more »

Pardeshi Ko Awaj with Raju Khadka

Read more »

छुट्टा छुट्टै घटनामा अर्घाखाँची जिल्लामा दुईजनाको ज्यान गयो

हरिप्रसाद नेपाली / भदौ २४, अर्घाखाँची

अर्घाखाँची जिल्लामा आज भएका छुट्टाछुट्टै घटनामा दुइजनाको ज्यान गएको छ । जिल्लाको चिदिकामा अरिङ्गालको टोकाइबाट एकजनाको र आत्महत्या गरी एकजनाको ज्यान गएको हो ।

चिदिका गा.वि.स. वडा नं. २ का २३ वर्षिय तारा कुमाल ख¥ज्याङ्ग खोला खोला आसपासमा एउटा रुखमा रहेको अरिङ्गाल पोल्ने क्रममा अरिङ्गालको टोकाइका कारण रुखवाट लडेका थिए । गम्भिर घाईते कुमालको उपचारको क्रममा आज बिहान ज्यान गएको जिल्लम प्रहरी कार्यालय अर्घाखाँचीले जानकारी दिएको छ ।

त्यस्तै अर्घाखाँची जिल्लाको केरुङ्गा गा.वि.स. गा.वि.स.मा एक महिहलाको शव फेला परेको छ । केरुङ्ग गा.वि.स. वडा नं. ४ बस्ने ढुण्डिाराज भुसालकी श्रीमती लक्ष्मी भुसाल घर नजिकै बारीमा रहेको एउटा रुखमा पासो लगाएर आत्महत्या गरेको प्रहरीको भनाई रहेको छ ।

Read more »

अर्घाखाँची जिल्लाको डिभर्नामा पोखरीमा डुवेर एक बालिकाको ज्यान गयो

हरिप्रसाद नेपाली भदौ २२ अर्घाखाँची

अर्घाखाँची जिल्लाको डिभर्नामा पोखरीमा डुवेर एक बालिकाको ज्यान गएको छ ।

सन्धिखर्क नगरपालिका वडा नं. १४ बस्ने बसन्त नेपालीकी दुई वर्षिया छोरी पूजा नेपालीको शुक्रबार साँझ पोखरीमा तैरीरहेको अवस्थामा शव फेला परेको हो ।

साँझ करीव सात बजेतिर पोखरीमा तैरीरहेको अवस्थामा बालिकाको शव फेला परेपछि स्थानीयले प्रहरीलाई खवर गरेका थिए ।

Read more »

सामुदायिक रेडियो अर्घाखाँचीको प्रथम साधारण सभा (फोटो फिचर)

हरिप्रसाद नेपाली/भदौ २२, अर्घाखाँची

सामुदायिक रेडियो अर्घाखाँचीको प्रथम साधारण सभा हिजो सन्धिखर्कमा सम्पन्न भएको छ ।

२०६५ सालमा स्थापना भएको अर्घाखाँचीको पहिलो सामुदायिक रेडियो अर्घाखाँचीको साधारण सभामा मन्तव्य राख्नेहरुले जिल्लाको पत्रकारीताको विकासको लागि सवै एक हुनुपर्नेमा जोड दिएका छन् ।
रेडियोका अध्यक्ष बिष्णु मुस्कानले उद्घाटन गरेको कार्यक्रममा जिल्लामा क्रियाशिल राजनीतिक दलका प्रतिनिधिहरुसंगै जिल्लामा रहेका रेडियोका प्रतिनिधीहरुले मन्तव्य राखेका थिए ।

मन्तव्य राख्दै निमित्त स्थानीय विकास अधिकारी धु्रव गिरीले संभावनाका नयाँ ढोकाहरु खुल्दै गरेको अर्घाखाँचीमा इमान्दार र मेहनत साथ लाग्ने हो भने रेडियोहरुको उज्वल भविश्य रहेको बताएका थिए ।

त्यस्तै मन्तव्यकै क्रममा उद्योग बाणिज्य महासंघका केन्द्रीय सदस्य कृष्ण श्रेष्ठले जिल्लामा साँच्चै रेडियो सफल बनाउने हो भने आपसी एकता र सद्भावका साथ अगाडी बढ्नुपर्ने बताएका थिए ।

कार्यक्रममा राष्टिय जनमोर्चाका सागर के.सी, नेकपा एमालेका प्रेम गैरे, एकीकृत नेकपा माओवादीका राजु नेपाली, नेकपा माओवादीका पिताम्वर पोखरेल, पत्रकार महासंघका अध्यक्ष शोभाखर पन्थी लगायतले मन्तव्य राखेका थिए ।

कार्यक्रममा मन्तव्य राख्दै नेपाली काँग्रेसका नेता समेत रहेका रेडियोका अध्यक्ष मुस्कानले जिल्लामा अस्वस्थ प्रतिष्प्रधा भएको भन्दै सबैले जित्ने गरी स्वस्थ प्रतिष्प्रधा गर्न सरोकारवालाहरुलाई आग्रह गरेका थिए ।

कार्यक्रम संस्थाका अध्यक्ष विष्णु मुस्कानको अध्यक्षता र सचिव ठाकुर कुमार वि.क.को सञ्चालनमा सम्पन्न भएके हो ।

Read more »

हंसपुर रुपन्देही सम्पर्क समाज गठन

बुटवल, २१ भदौ । अर्घाखाँची जिल्ला हंसपुर घर भई रुपन्देही जिल्लामा बसोबास गर्दै आएका विभिन्न व्याक्तिहरुको प्रथम भेला सम्पन्न भएको छ  । लक्ष्मण पन्थी को अध्यक्षता तथा राम प्रसाद भुसालको स्वागत मन्तव्य रहेको कार्यक्रमको सञ्चालन कृष्ण पाण्डेको गरेका थिए ।

भेलाले १३  सदस्यीय नयाँ कार्यसमिति र ७ सदस्यीय सल्लाहाकार समिति समेत गठन गरिएको छ । नवगठित कार्यसमितिको अध्यक्ष हरीकृष्ण अधिकारी, उपाध्यक्ष सुदन ज्ञवाली र धर्मराज पन्थी, महासचिवमा कृष्ण प्रसाद पाण्डे, सचिव लक्षमण पन्थी, सह– सचीव राम प्रसाद भुसाल, रहेका छन् ।

 त्यस्तै कोषाध्यक्षमा कृष्ण अधिकारी, सह–कोषध्यक्षमा अस्मिता पन्थी रहेका छन् । समितिका सदस्यहरुमा बोम ब. थापा (सुनिल), भिम प्रसाद भुसाल, ईश्वरी पन्थी, सविता खनाल र रेशम खनाल रहेका छन् ।
 समितिले विष्णु पन्थी, क्या.गुमानसिँह थापा, पशुपति अधिकारी, जीवनारायण अधिकारी, अनन्तपाणी मरासीनी, बुद्धिराम पन्थी र जुद्ध बहादुर वि.क. लाई सल्लाहकारम ाचयन गरेको छ । भेलामा करिव १ सय २० जनाको उपस्थिती रहेको थियो ।

 नवनिर्वाचित समितिलाई विष्णु पन्थी, राम प्रसाद  पन्थी, गोबिन्द मरासीनि लगायतले सुभकामना मन्तव्य दिएका थिए ।

Read more »

अर्घाखाँची न्यूज साप्ताहिक / भदौ २२, २०७१

यही २०७१ साल भदौ २२ गतेको अर्घाखाँची न्यूज साप्ताहिक । काठमाण्डौ बागबजारमा रहेको युनिक कम्युनिकेशन सहित अर्घाखााची जिल्लाभर सहज रुपमा उपलव्ध हुनेछ । खोजी खोजी पढ्नुहोला ।

Read more »

अर्घातोष गा.वि.स खुल्ला दिसामुक्त घोषणाका लागि उपयूक्त

खुल्ला दिसामुक्त सम्बन्धी जिल्ला गुणस्तर अनुगमन टोलीले २०७१ भाद्र २० गते अर्घातोष गाविसको अनुगमन गरेको छ ।

९५५ घरधुरी रहेको अर्घातोष गाविसमा ग्लोबल स्यानिटेसन फण्ड प्रोग्राम सञ्चालन पूर्व केवल ३६५ घरधुरीले मात्र सुरक्षित शौचालयको प्रयोग गर्दथे । अभियान पश्चात सञ्चालित खुल्ला दिसामुक्त सम्बन्धी अभिमुखिकरण कार्यशालामा गाविस स्तरीय खानेपानी,सरसफाइ तथा स्वच्छता समन्वय समितिले बाँकी रहेका ५९० घरधुरीमा चर्पी निर्माण कार्य सम्पन्न गरी २०७० कार्तिक मसान्त भित्रमा गाविसलाई खुल्ला दिसामुक्त घोषणा गर्ने लक्ष्य तोकेको थियो । सोही लक्ष्यलाई प्राप्त गर्नका लागि गाविसले सरसफाइ रणनैतिक योजना तयार पारी कार्यान्वयन गरेको थियो । तर निर्धारित समयमा लक्ष्य हाशिल हुन भने सकेन । यद्यपी विविध समस्याहरुको समाधान गर्दै ढिलै भएपनि अर्घातोष गाविसले खुल्ला दिसामुक्त अबस्था हाशिल गर्न सफल भएको छ ।

खानेपानी तथा सरसफाइ डिभिजन कार्यालयका ईन्जिनियर विजय कुमार यादवको संयोजकत्वमा ११ जनाको जिल्ला गुणस्तर अनुगमन टोली गाविस कार्यालयमा पुगेपछि गाविस स्तरीय खानेपानी,सरसफाइ तथा स्वच्छता समन्वय समिति, राजनीतिक दल लगायतका स्थानीय अगुवाहरुको सहभागितामा बैठक बसी अनुगमन टोली गठन गरि अनुगमनका लागि प्रत्येक वडामा गइएको थियो ।

वडागत तहमा ९ टोलीले २७ प्रतिशत घरधुरी र सबै संस्थागत तहमा अनुगमन गरेको थियो । अनुगमन पश्चात पुन गाविस कार्यालयमा भेला भई अनुगमनका तथ्यहरु टोली प्रमुखहरुबाट प्रस्तुतीकरण गरिएको थियो । अधिकाँश चर्पीहरु मापदण्ड अनुसारका गुणस्तरीय, सफा र दिगो प्रकारको चर्पी घरको समेत बनौट भएका बनेको पाइयो । यसका अतिरिक्त अधिकाँश घरधुरीले चर्पी सफा गर्ने ब्रश, हार्पेक जस्ता सामग्री प्रयोग गर्ने, र आधा भन्दा बढी घरधुरीले चर्पीमा अलग चप्पल प्रयोग गर्ने गरेको पाइएको छ ।

ऐटेच चर्पी भएका सबैले चर्पी भित्रै साबुन पानीले हात धुने गरेको, अलग बाथरुम हुनेले बाथरुममा साबुन पानीले हात धुने गरेको र अन्यले अन्यत्र वा जुठ्यानमा हात धुने गरेको भेटियो । घरायसी सरसफाइ र फोहर ब्यवस्थापन अधिकाँश घरधुरीमा राम्रो पाइयो भने बजार क्षेत्रमा फोहर ब्यवस्थापनमा ध्यान दिनु पर्ने भेटिएको छ । समग्रमा अर्घातोष गाविसले खुल्ला दिसामुक्त घोषणाका सबै आधारहरु पुरा गरेको पाइएको छ ।

Read more »

अर्घाखाँचीका जनता भन्छन : सिडिओ साव सुरक्षा चाहियो

हरिप्रसाद नेपाली / भदौ २० अर्घाखाँची

बाघको आक्रमणबाट पछिल्लोपटक किमडाँडामा एकजना बालिकाको ज्यान गएपछि स्थानीय जनताले नरभक्षी बाघ समात्न माग गर्दै प्रमुख जिल्ला अधिकारी र जिल्ला वन अधिकृतको ध्यानाकर्षण गराएका छन् ।

किमडाँडा आसपासका जनताले प्रमुख जिल्ला अधिकारी ज्ञानप्रकाश ढकाल र जिल्ला बन अधिकृत कृष्ण प्रसाद ढकाललाई छुट्टाछुट्टै भेटघाट गरी जनताको जिउधनको रक्षा गर्न माग गरेका हुन् । जवाफमा प्रजि ढकालले जनताको समस्याले आफुलाई अत्यन्त मर्माहत बनाएके भन्दै जतिसक्यो छिटो उचित कदम चालिने प्रतिवद्धता व्यक्त गरेका थिए ।

हिजो साँझ करीव पौने सात बजेको समयमा सन्धिखर्क नगरपालिका वडा नं. १० निवासी सुजता वि.क.को बाघको आक्रमणमा परी ज्यान गएको थियो ।

चितुवाको आक्रमणका कारण पछिल्लो ६ महिनामा अर्घाखाँचीमा पाँच जना बालबालिकाको ज्यान गइसकेको छ ।

Read more »

संविधान माग्दै चौतारी अर्घाखाँचीद्वारा प्रधानमन्त्री र सभामुखलाई ज्ञापनपत्र पेश

हरिप्रसाद नेपाली / भदौं २०, अर्घाखाँची

समयमै संविधान जारी गर्न दवाव स्वरुप प्रेस चौतारी अर्घाखाँचीले  जिल्ला प्रशासन कार्यालय  मार्फत प्रधानमन्त्री  कार्यालय  सिंहदरवार   र सभामुखलाई  शुक्रबार छुट्टाछुट्टै  ज्ञापन पत्र पठाएका छ ।

 ज्ञापन पत्र प्रेस चौतारीका जिल्ला अध्यक्ष  पार्वता श्रेष्ठले निमित्त प्रमुख जिल्ला अधिकारी येज्ञश्वर पन्थीलाई बुझाउनु भएको हो ।  चौतारीले विवादित विषयमा  छिट्टै सहमति गरि माघ आठ गते संविधान जारी गर्न  दवाव सिर्जना ज्ञापन पत्र बुझाएको हो । भाद्र २१ गते  सम्म विवादित विषयमा  सहमति गरि  पहिलो मस्यौदा  निर्माणमा लाग्ने कामलाई पनि पुर्णता दिनुपर्ने जनाएको छ ।

 सहमति नभए  संविभानसभलाई  अनिर्णयको बन्दी  बनाउने  कार्य पुनरावृति गर्ने वा कार्यतालिका अनुसार काम नगर्दा आम नागरिकमा  निराशा उत्पन्न हुने भन्दै विवादित विषयमा सहमति हुन नसके मतदान पक्रियाबाट  टुङ्ग्याउने पर्ने चौतारीको माग रहेको चौतारीका सहसचिव अर्जुन भुसालले जानकारी दिएका छन् ।

Read more »

सन्धिखर्कमा सवारी दुर्घटना दुईजना घाईते, एकको अवस्था गम्भिर

हरिप्रसाद नेपाली / २० भदौ अघाखाँची

अर्घाखाँची जिल्लाको सन्धिखर्क नगरपालिका अन्तरगत पर्ने वाङ्गलाको च्यानडाँडा भन्ने स्थानमा केही बेर अघि भएको सवारी दुर्घटनामा दुईजना घाईते भएका छन् ।

तस्विर ः प्रेम खड्का

सन्धिखर्कबाट वाङ्गला जाँदै गरेको  लु ९ प ५५२६ नम्बरको मोटरसाईकल र वाङ्गलाबाट सन्धिखर्क आउदै गरेको  लु १ च ३३०१ नम्बरको बलेरो जिप एक आपसमा ठोक्किदा मोटरसाईकलमा सवार सन्धिखर्क नगरपालिका वडा नं. १५ का मनोज खड्का र वाङ्गला निवासी जालपा श्रेष्ठ घाईते भएको जनाइएको छ ।
घाईतेहरुको अहिले जिल्ला अस्पताल अर्घाखाँचीमा उपचार भैरहेको छ । घाईते मध्ये मोटरसाईकल चालक मनोज खड्का अवस्था गम्भिर रहेको र उनलाई जिल्ला अस्पतालले बुटवल रिफर गरेको सहकर्मी शिब बेल्वासेले जानकारी दिएका छन् ।

यस्तै गुल्मीको जैसाथोकमा केहि वेर अघि जिप दुर्घटना भएको छ । तम्घासबाट सिर्सेनी तर्फ जाँदै गरेको ल्ऽु १ ज १७३३ नम्बरको जिप जैसीथोक ८ स्थित सिमाहघाट पुल्ऽ माथीको घुम्तीबाट धेरै तल्ऽ खसेको जनाईएको छ ।

Read more »

अर्घाखाँचीको किमडाँडामा बाघको आक्रमणबाट बालिकाको ज्यान गयो (सुझाव र सल्लाह सहित)

हरिप्रसाद नेपाली भदौ २०, अर्घाखाँची

अर्घाखाँची जिल्लाको सन्धिखर्क नगरपालिका अन्तरगत पर्ने किमडाँडामा बाघको आक्रमणबाट एकजना बालिकाको ज्यान गएको छ ।

हिजो साँझ घरको आँगनमा खेलिरहेकी साविकको किमडाँडा गा.वि.स. वडा नं. २ का गोपाल बि.क. र सिता वि.क. कि पाँच वर्षिया छोरी सुजता बि.कलाई बाघले आक्रमण गरेको थियो । घरको आँगनमै बाघले आक्रमण गरेपछि स्थानीयको हो हल्लापछि बाघ बच्चा छाडेर भागेको स्थानीयले जानकारी दिएका छन् । बाघले बच्चाको गर्धनमा आक्रमण गरेको थियो ।

बाघबाट मुक्त भएकी बालिकालाई तत्कालै उपचारको लागि जिल्ला अस्पताल लगिएपनि अस्पताल लैजाँदै गर्दा बाटोमा नै बालिकाको ज्यान गएको बताइएको छ । बालिकालाई अस्पताल पुगेको केही समयमै डाक्टरले मृत घोषणा गरेका थिए ।

अर्घाखाँची जिल्लामा बाघको आक्रमणबाट बालबालिका मारिएको यो पहिलो घटना भने होइन । यस अघि पनि धेरै बालबालिकाहरु बाघको शिकार भइसकेका छन् । किमडाँडा गा.वि.स.मै पनि केही महिना अघि एकजना बालकलाई बाघले खाएको थियो

................................

यसैविच अर्घाखाँची जिल्लामा यसरी बालबालिकाहरु बाघको निशाना किन भइरहेका होलान ? बाघको आक्रमण रोक्न कसले केृ भूमिका खेल्नुपर्ला भनि हामीे हाम्रो फेसवुक पेजमा विचार मागेका थियौ. । प्राप्त केही प्रतिक्रियाहरु जस्ताको तस्तै ः

खाँचिकोटका रक नेपाल फेसबुकमा लेख्छन्  : बाघले मान्छेलाई आक्रमण गर्नु को मुख्य कारण जङ्गल नस्ट हुनु हो त्यस् को बारेमा हामी सचेत हुनु परेयो। अलिकति ध्यान के दिनु परेयो भने रात परेपछि स-साना बच्चाहरूलाई बाहिर निस्कन दिनु भएन जंगली जनावर हो जङ्गल मा शिकार न मिले पछी मान्छे,माथी हमला गर्छ ।
mmmmmmmmmmmmmmmmmmmmmmmmmmm
त्यस्तै सन्धिखर्क ३ का हेमन क्षेत्री भन्छन् ः सर्वप्रथम त सम्वन्धित निकाय र गाउँले मिलेर त्यस बाघलाई सकेसम्म समातेर निकुञजमा बुझाउनुपर्यो । यदी सकिन्न भने त्यो बाघलाई मार्नुपर्यो । मानब जीवन भन्दा ठूलो बाघको जीवन अवश्य पनि होइन होला । यसका साथै राज्यले पनि मानब तथा बन्यजन्तु संरक्षणमा ध्यान दिनुपर्यो ।
mmmmmmmmmmmmmmmmmmmmmmmmmm
बाघले मान्छे खाएको अर्घाखाँचीमा यो नौलो घटना होइन । यस भन्दा पहिला पनि बाघले आक्रमण गरेर धेरै बच्चाको ज्यान लिएको छ । यस्ता घटना भैरहँदा पनि सरकारी निकाय मुखदर्शक बनेर हेरीरहन् सम्वद्ध निकाको कमजोरी हो भन्दै अर्घा ४ मा घर भएका बाबुराम थापा मगरले हेटौडाबाट फेसबुकमा टिप्पणी गरेका छन् ।
mmmmmmmmmmmmmmmmmmmmmmmmm
यस्तै अर्घाखाँचीकै हेमन्त खड्का भन्छन : यसरी बाघ ले आक्रमण गरेको खाली बच्चाहरू मा मात्र सुनिएको छ यस भन्दा पहीला पनि बच्चालाई नै आक्रमण गरेको थियो । तसथॅ हामीले आफ्ना बाल बाच्चालाई हरियार राख्रनु अति आवश्यक छ ।साथ साथै त्यसलाइ सके सम्म जिउदै समात्न यदि त्यो सम्भब भएन भनि । दिन प्रतिदिन ज्यान गुमाउनु भन्दा एक बाघलाई मारीदिदा नै राम्रो हुन्छ ।र साथ साथ मा पछिल्लो समय मा बाघ भनि स्याललाई समातिएको खबर पाएका थियौ तसथॅ अब त्यसलाइ मानॅ या समात्न खटाइने ब्यतिहरूलाइ राम्रो संग बाघ स्याल छुटाउने लाई मात्र खटाइयोस ।

र एक्लै कसैलाइ पनि बाहिर या जङगल अथवा सुनसान ठांउ मा नछोडउ वा नजाउ ।

Read more »

नेपाल निजामती कर्मचारी युनियन अर्घाखाँचीले स्थापना दिवस मनायो (फोटो सहित)

हरिप्रसाद नेपाली भदौ २०, अर्घाखाँची

नेपाल निजामती कर्मचारी युनियन अर्घाखाँचीले आफ्नो स्थापना दिवसको अवसरमा सन्धिखर्कमा हिजो विशेष कार्यक्रमको आयोजना गरेको छ ।
स्थापना दिवसको अवसरमा युनियन अर्घाखाँचीले अर्घाखाँची जिल्लामा नवआगन्तुक युनियन आवद्ध कर्मचारीहरुलाई स्वागत गरेको छ ।

जसअन्तरगत सालझण्डी ढोरपाटन सडक आयोजनाका लेखा अधिकृत हिराधर आचार्य, जिल्ला स्वास्थ्य कार्यालयका पावर्ती पौडेल लाई हार्दिक स्वागत गर्दै जिल्ला प्रशासन कार्यालयमा कार्यरत जिवनाराण चुँदाली समेतलाई नयाँ सदस्यता प्रदान गरिएको थियो ।
त्यस्तै महिला तथा बालबालिका कार्यालयमा कार्यरत सुभद्रा घिमिरे र जिल्ला बन कार्यालयमा कार्यरत सेवा निवृत्त हुनै लागेका राम प्रसाद भुसाललाई विशेष सम्मान गरिएको थियो । भने जिल्ला प्रशासन कार्यालयबाट सरुवा भई बुटववल सडकमा गएका कृष्ण बहादुर क्षेत्रीलाई सम्मान सहित बिदायी गरिएको थियो ।

कार्यक्रममा स्वागत तथा विदायी हुनेहरुलाई कार्यक्रमका प्रमुख अतिथी नेपाली काँग्रेसका जिल्ला सचिव लोेकेन्द्र वि.क., जिल्ला कोषाध्यक्ष हरि बहादुर खड्का र कार्यक्रमका सभापति एवं नेपाल निजामती कर्मचारी युनियनका जिल्ला अध्यक्ष प्रकाश भट्टराईले दोसल्ला ओढाउदै मायाको चिनो एवं सम्मानपत्र प्रदान गरेका थिए ।
कार्यक्रममा मन्तव्य राख्दै नेपाली काँग्रेसका जिल्ला सचिव लोकेन्द्र वि.क., जिल्ला कोषाध्यक्ष हरिवहादुर खड्का लगायतले राष्टसेवक कर्मचारीहरुले देश निर्माणको लागि अहम भूमिका खेलेको भन्दै पेशा प्रति थप इमान्दार भएर काम गर्न कर्मचारीहरुलाई आग्रह गरेका थिए ।

कायक्रममा मन्तव्यकै क्रममा युनियनका जिल्ला उपाध्यक्ष एवं गा.वि.स. सचिव हकहित संरक्षण केन्द्र नेपालका केन्द्रीय सदस्य विनोद कुँवरले काँग्रेसको सुभेच्छुक संस्था हुँदाहुँदै पनि कतिपय अवस्थामा पार्टीले बेवास्त गरेको जस्तो देखिएको भन्दै युनियनलाई विशेष ध्यान दिन आग्रह गरेका थिए ।
कार्यक्रम युनियनका जिल्ला अध्यक्ष प्रकाश भट्टराईको अध्यक्षता एवं सचिव शेषकान्त घिमिरेको सञ्चालनमा सम्पन्न भएको हो ।

Read more »

अर्घाखाँचीमा बाघको आक्रमणबाट एक बालिका गम्भिर घाईते

फाईल तस्विर

हरिप्रसाद नेपाली / भदौ १९, २०७१

अर्घाखाँची जिल्लाको किमडाँडा गा.वि.स.मा एकजना पाँच वर्षकी बालिकालाई बाघले आक्रमण गरेको छ ।

किमडाँडा गा.वि.स.को वडा नं. २ कामीटोला बस्ने  गोपाल बहादुर वि.क. र सिता वि.क. कि छोरी वर्ष पाँच कि छोरी लाई बाघले आक्रमण गरेको छ । साँझ करीव पौने सात बजेको समयमा घरको आँगनमै आक्रमण गरेको र स्थानीय चिच्याएपछि बाघले बच्चा छोडेर भागेको बताइएको छ ।

घाइते बालिकाको सन्धिखर्कमा उपचार भैरहेको छ । बालिकाको अवस्था गम्भिर भएको प्रहरीले जानकारी दिएको छ ।
--------------------------------------------------------------------
यसैविच घाइते बालिकाको जिल्ला अस्पताल सन्धिखर्कमा ज्यान गएको छ । बालिकालाई साँझ करीव साढे सात बजे डाक्टरले मृत घोषित गरेका थिए ।

Read more »

मृगौला पिडितलाई प्रवासीको सहयोग

हरिप्रसाद नेपाली
साउन २८, अर्घाखाँची

युएईमा कार्यरत नेपालीले मृगौला रोगबाट पीडित अर्घाखाँचीका एक उपचारका लागि आर्थिक सहयोग संकलन गरेका छन्  ।

दुबै मृगौलामा खराब भएका अर्घाखाँची डिभर्नाका शिवलाल श्रेष्ठको उपचारका लागि यूएईमा कार्यरत अर्घाखाँचीका वासिन्दाले ४३ हजार रुपैयाँ सहयोग गरेका हुन् ।

श्रेष्ठको आर्थिक स्थिति कमजोर रहेको र सहयोगका लागि जिल्लाबाट अनुरोध आएपछि यूएईमा रहेका अर्घाखाँचीका वासिन्दाले एक हप्ता सहयोग संकलन गरेका थिए । सहयोग रकम आज नै हस्तान्तरण गर्ने कार्यक्रम रहेको छ ।

विरामीको उपचारका लागि युएईमा रहेका नेपालीले सहयोग गरेका अर्घाखाँची सम्पर्क समिति यूएईका अध्यक्ष राजु खड्काले जानकारी दिए । श्रीमती, दुई छोरा र एक छोरीसँगै रहेका शिवलालको भैरहवामा उपचार भइरहेको छ । उपचारका लागि रकम नभएपछि समस्यामा परेका शिवलालको परिवारले सहयोग गर्न अपिल गरेको छ ।

Read more »

व्याडमिन्टन प्रतियोगिताको उपाधी अर्घाखाँची युवा परिषदलाई

हरिप्रसाद नेपाली
साउन २८, अर्घाखाँची

अर्घाखाँचीको सन्धिखर्कमा सञ्चालन भएको खुल्ला ब्याडमिन्टन प्रतियोगीताको उपाधी अर्घाखाँची युबा परिषदले जितेको छ । प्रतियोगीतामा जिल्ला भरका १८ टिमका ३६ जना खेलाडीको सहभागिता रहेको थियो ।
प्रतियोगीतामा जिल्ला भरका १८ टिमले भाग लिएकोमा अर्घाखाँची युबा परिसदका  अशोक भुसाल र ज्ञानेन्द्र घिमिरेको समुह प्रथम, उद्योग बाणिज्य संघका ठाकुर श्रेष्ठ र साजन ओलीको समुह द्धितीय , होटल ब्यबसायी संघका  सतिस मरासिनी र मोहन सिंह ठकुरीको समुह तृतीय भएका छन ।
प्रतियोगीतामा सामुदायीक ब्याडमिन्टन हलका भोजबहादुर गन्धर्ब र नारायण खड्काको समुह सान्त्वना भएका छन । उत्कृष्ट खेलाडीको उपाधी अशोक भुसाल र अनुशासित खेलाडीको उपाधी बिष्णु खनालले पाएका छन ।
प्रतियोगीतामा सबै बिजेताहरुलाइ हिजो एक कार्यक्रमका बिच पुरस्कार बितरण गरिएको  छ । समापन समारोह मनिस सिंहको अध्यक्षता,स्थानीय बिकास अधिकारी हेमराज भुसालको प्रमुख आतीथ्यता र शेसकान्त घिमिरे ओसनको सञ्चालनमा सम्पन्न भएको हो ।

Read more »

लुम्बिनी बाङमय प्रतिष्ठान अर्घाखाँचीमा बस्याल

हरिप्रसाद नेपाली/नयाँ एफ.एम. अघाखाँची

लुम्बिनी बाङमय प्रतिष्ठान अर्घाखाँचीको पहिलो साधारण सभा आज सन्धिखर्कमा सम्पन्न भएको छ । सभाको लम्विनी वाङमय प्रतिष्ठानका केन्द्रीय अध्यक्ष हिमलाल ज्ञवालीले उद्घाटन गरेका थिए ।

कार्यक्रममा बैद्ध विश्व विद्यालयका प्राध्यापक गोपिरमण उपाध्याय, प्रतिष्ठानका केन्द्रीय सचिव राजेन्द्र आचार्य, रुपन्देही संयोजक ऋषि आजाद लगायतका साहित्यकारहरुको उपस्थिती रहेको थियो ।

सभाले विष्णु वस्यालको अध्यक्षतामा नयाँ जिल्ला कार्य समितिको गठन गरेको छ । जसको उपाध्यक्षमा राम बसु, सचिवमा हिम बहादुर जि.सी., सह सचिवमा केशव आचार्य र कोषध्यषमा मञ्जु घिमिरे रहेका छन् । त्यस्तै सदस्यहरुमा तिर्थराज आचार्य, शोभासिंह ठकूरी, लिला ढुंगाना, यशोदा पौडेल, कमल पोखरेल, बसन्त श्रेष्ठ, प्रभात कुंबर, बासुदेव पन्थी र देवेन्द्र कुवर लगायत रहेका छन् ।

कार्यक्रममा जिल्लामा रहेको साहित्यकारहरुले आफ्नो रचना प्रस्तुत गरेका थिए ।

Read more »

अर्घाखाँचीको प्रसिद्ध सुपा देउराली मन्दिर

Read more »

आगोले खायो १५ बर्षिय किशोरलाई

हरिप्रसाद नेपाली/जेष्ठ १४, अर्घाखाँची

अर्घाखाँची जिल्लाको अर्घातोष गा.वि.स.मा आगलागीमा परेर एक जनाको ज्यान गएको छ ।
अर्घातोष गा.वि.स. वडा नं. २ चिदिपानी को सामुदायिक बनमा लागेको आगो निभाउने क्रममा अर्घातोष २ कै नारायण नेपालीको आगोमा परेर ज्यान गएएको हो ।

स्थानीय नरेश नि.मा.वि.मा कक्षा ८ मा अध्ययनरत १५ वर्षिय नेपालीको विद्यालयबाट फर्कदै गदा आगो निभाउने क्रममा आगोमा पर ज्यान गएको बताइएको छ । दिउसो करीव एक वजेतिरबाट शरु भएको आगलागीलाई नियन्त्रणमा लिने क्रममा साँझ करीव पाँच बजेतिर नेपाली आगोमा परेको स्थानीय शंकर नेपालीले जानकारी दिएका छन् ।

Read more »

ढिकुरामा ट्याक्टरबाट खसेर एक जनाको मृत्यु

हरिप्रसाद नेपाली/जेष्ठ १४, २०७०
अर्घाखाँची जिल्लाको ढिकुरामा हिजो साँझ भएको ट्याक्टर दुर्घटनामा एक जनाको ज्यान गएको छ ।

ढिकुरा गा.वि.स. वडा नं. ८ गौचौरमा लु १ त ५९८५ नम्वरको ट्याक्टरबाट खसेका १५ वर्षिय अनन्त सुनारको ज्यान गएको हो । दुर्घटनापछि उपचारको लागि तत्काल अञ्चल अस्पतालमा उपचारको लागि लगिएकोमा सुनारको उपचारको क्रममै अस्पतालमा ज्यान गएको जिल्ला प्रहरी कार्यालय अर्घाखाँचीले जानकारी दिएको छ ।

दुर्घटनापछि ट्याक्टर र चालक प्रहरी नियन्त्रणमा रहेका जनाइएको छ ।

Read more »

गणतन्त्र दिवसमा भलिवल प्रतियोगिता

हरिप्रसाद नेपाली/जेष्ठ १४, २०७०
गणतन्त्र दिवसको अवसरमा अर्घाखाँचीमा विभिन्न कार्यक्रमहरु शुरु भएका छन् । कार्यक्रमको पहिलो दिन आज सन्धिखर्कमा पत्रकार, कर्मचारी र राजनीतिक दल विच मैत्रीपूर्ण भलिवल प्रतियोगिता सम्पन्न भएको छ ।

आज बिहान भएके मैत्रीपूर्ण भलिवल खेलमा कर्मचारीहरुको समूहले प्रथम स्थान हाँसिल गरेको छ । चन्दननाथ गणका कणपति रामकाजी रानाको कप्तानीमा रहेको कर्मचारी समूहले गणेश खनालको कप्तानीमा रहेको पत्रकारको समूह र झविलाल थापाको कप्तानीमा रहेको पत्रकारको टिमलाई पराजित गर्दै प्रथम बन्न सफल भएके हो ।

प्रतियोेगितामा पत्रकारहरुको समूह द्वीतिय र राजनीतिक दलले तृतीय स्थानमा परेका थिए । कर्मचारी, राजनीतिक दल र पत्रकारहरुविच सुमधुर सम्वन्ध कायम गर्नका लागि प्रतियोगिताको आयोजना गरिएको जिल्ला स्तरीय गणतन्त्र दिवस मूल समारोह समितिका अध्यक्ष एवं स्थानीय विकास अधिकारी हेमराज भुसालले बताएका छन् ।

गणतन्त्र दिवसको अवसरमा विरामीहरुलाई फलफुल वितरण, प्रवचन लगायतका कार्यक्रमहरु आयोजना गरिने समेत उनले जानकारी दिएका छन् ।

Read more »

व्लगको बारेमा

आज मिति २०७१ साल जेठ १४ गते बुधबार । अर्घाखाँची जिल्लाको सम्पूर्ण जानकारी पस्कने उद्धेश्यले यो व्लग शुरु गरेको हुँ । यस व्लगमा अर्घाखाँची जिल्लाको जानकारी, अर्घाखाँची जिल्लाका स्थानीय खवरहरु, अर्घाखाँचीी जिल्लाका पर्यटकीय स्थलहरु, अर्घाखाँची जिल्लका तस्विरहरु लगायतका सामग्रीहरु समेटिनेछन् । तपाईसंग पनि केही खुराकहरु भएका यहाँ सम्पर्क गर्नुहोला ।

हरिप्रसाद नेपाली, पत्रकार, अर्घाखाँची

Read more »