अर्घाखाँचीका जनता भन्छन : सिडिओ साव सुरक्षा चाहियो

हरिप्रसाद नेपाली / भदौ २० अर्घाखाँची

बाघको आक्रमणबाट पछिल्लोपटक किमडाँडामा एकजना बालिकाको ज्यान गएपछि स्थानीय जनताले नरभक्षी बाघ समात्न माग गर्दै प्रमुख जिल्ला अधिकारी र जिल्ला वन अधिकृतको ध्यानाकर्षण गराएका छन् ।

किमडाँडा आसपासका जनताले प्रमुख जिल्ला अधिकारी ज्ञानप्रकाश ढकाल र जिल्ला बन अधिकृत कृष्ण प्रसाद ढकाललाई छुट्टाछुट्टै भेटघाट गरी जनताको जिउधनको रक्षा गर्न माग गरेका हुन् । जवाफमा प्रजि ढकालले जनताको समस्याले आफुलाई अत्यन्त मर्माहत बनाएके भन्दै जतिसक्यो छिटो उचित कदम चालिने प्रतिवद्धता व्यक्त गरेका थिए ।

हिजो साँझ करीव पौने सात बजेको समयमा सन्धिखर्क नगरपालिका वडा नं. १० निवासी सुजता वि.क.को बाघको आक्रमणमा परी ज्यान गएको थियो ।

चितुवाको आक्रमणका कारण पछिल्लो ६ महिनामा अर्घाखाँचीमा पाँच जना बालबालिकाको ज्यान गइसकेको छ ।

Posted in: tasbir